هديل Q8

تمـ نقل المدونة =)

2010-12-10T20:51:00.000+03:00

السلام عليكم

تم الانتقال إلى وورد بريس رسميا :)

هذا رابط المدونة

http://hadeelq8.wordpress.com/

حياكم الله :)

كويتنا القديمة :(

2010-12-09T18:20:00.000+03:00

‏‏أشوفك حلم وتسأل كيف حالي !
تقول شلونها كويتنا القديمه
عساها بخير مع أهلي وعيالي ؟
عساها تحيا في عيشه كريمه
ترى إنتوا فيكم الخير وبدالي
وفيكم حب عسى ربي يديمه
سكّت ودمعه في عيني تلالي
وعبره في قلبي بأقصى صميمه
أخاف أشكي وأقول اللي في بالي
وأخاف أحكي وأزيد الجرح قيمه
وجيته خطوتي تسبق خيالي
أجر حزني و بسمات سقيمه
وأنا أضحك بكذب وصوت عالي
أبشرك خير !! وأمور أهلك سليمه
كلنا أخوان وحبنا شي مثالي
ولا أحزاب ولا في أي ظليمه

وفجأه يقول جاوب عن سؤالي
وقول الصج بلا كذوب لئيمه !

وأنا في حضرته ولا أقوى الكذب تالي
وتصرخ عبره من قلبي عظيمه
ترى الكويت بعد عينك يا غالي
ورب الكعبه يا جابر يتيمه
ورب الكعبه يا جابر يتيمه

----

الله يرحمك يا جابر الخير
والله يحفظ ديرتنا من الحاسدين والحاقدين :(

My new iPad ;)

2010-12-06T21:18:00.000+03:00

شفت اليوم العرض من يوريكا

وكان الآيباد بحاطري من زمان

بس ناطرة عرض يشجعني اشتريه

وطبعا هالعرض ما يتطوف

واخيييرا اشتريت الآيباااااااد

يبيله كيبورد عربي ويصير خوش جهاااز =)

فــرحــة الـــكــــاس

2010-12-06T11:55:00.000+03:00

السلام عليكم

أمس قبل المباراة جهزنا عدة التشجيع وكانوا خالاتي فبيتنا عشان نشجع عدل

( وعلى فكرة ترى هذي اول مباراة اطالعها من البداية لما النهاية .. صج المباريات حرق اعصااااااااااب )

وبعد ما فزنا واخذنا الكاس الحمدلله - رحنا للمسيرة

الاجواء كانت روعة

صورت جم صورة وجم فيديو

شوفوا الفرحة بشوارع الكويت شلون كانت

واللــــه ورفعتــــوا الــــــراس =)

2010-12-06T00:04:00.000+03:00

الف الف الف الف الف الف مبرووووووووووووووك لأزرقنا

والله ورفعتوا الراس

والله تستاهلون الكاس واكثر

ما قصرتوا

وهذا الازيرق اللي نعرفه

يعطيكم الف عافية

وما خيبتوا ظن اهل الكويت فيكم

بدر المطوع تستاهل / فهد العنزي تستاهل / نواف الخالدي تستاهل يا الجسووور

ووليدان الف شكككككككر ع القوول

ولا يهونون باجي المنتخب =)

هذا هو الموج الأزرق =]

2010-12-02T19:10:00.000+03:00

ألف الف الف الف الف مبروووووك التأهل للكويت

تستاهلون والله تعبتوا وحصلتوا

الفال للكاس ان شاء الله

مشكوووووووووورين ونستونا :D

أنا مسلم .. أنا يصلي ويصوم !!

2010-11-28T19:33:00.001+03:00

السلام عليكم =)

( تك تك تك تك ) اطالع الساعه القاها 2:15 امشي بسرعة بلحق اوصل لسيارتي عشان ارد البيت بعد ما هلكت بالجامعة بيوم الاحد ( الثقيل )

طبعا درب من العلوم لما الهندسة لما مصافط الفرع على ما قربت اوصل من سيارتي

المشهد : هندي واقف يشرب ماي يوم شافني قربت ظل يطالعني

فتحت جنطتي بطلع السويتج

قربت اكثر

جان يقول : السلام عليكم ماما ( انا صرت امه :/ )

ماما عادي يعطي انا 100 فلس عشان باص .. ماما انا مسلم .. انا يصلي يصوم

بهدوء عطيته فلوس ورحت

اللي خلاني انزل هالبوست !

ليش قالي انا مسلم .. وعدد ما يفعله كل مسلم :/

يعني لو كان محتاج ومو مسلم كنت ما راح اعطيه

ليش اغلب النوعية هذي اذا بيكسرون خاطركم يقولون انهم مسلمين

هل اذا ما قال انه مسلم ما راح نتصدق عليه ؟

او بمعنى اصح هل الصدقة تجوز للكافر ؟؟؟

بحثت ووجدت الجواب

bye-bye Time

2010-11-20T19:57:00.000+03:00

نظرا لانتهاء العطلة وبدء الدراسة ..~

نظرا لزيادة عدد الهوموركات والكويزات ..~

ونظرا لضيق الوقت وتردي المستوى الدراسي ( للأسف ) .. ~

قررت ان يتمـ ايقاف نشاط المدونة (مؤقتا ) حتى اشعار آخر [ قدوم عطلة أخرى ]

تغلق المدونة حتى قدوم الإشعار الآخر =)

استودعكم الله ..

يوم تبلى السرائر

2010-11-18T21:41:00.003+03:00

السلام عليكم

اليوم اخترت كتاب [ يوم تبلى السرائر ] للكاتبة سارة الدريس

الملخص اللي كتب خلف الكتاب /

فبطلة القصة فتاة تنظر إلى الرجل وكأنه جيفة متعفنة ذات رائحة نتنة ! ترى أغلبيتهم أناس استغلاليين خائنين .. يخدعون المرأة ليشبعوا رغبات تسعر خسة .. تزوجت رجلا رأت فيه المثالية بجميع صورها وحاولت أن تصل بحياتها لدرجة الكمال من خلال قيامها بكافة واجباتها ولكن تجسدت أفكارها التي اعتقدت بها فعلا في واقعها ومع مرور الوقت بدأت تظهر لها عيوب زوجها الذي قيدها بالأعراف التي ليس لها مخالفة دينية على الرغم من أنه لا يطبق على نفسه أبسط تعاليم الدين تتسلسل الأحداث فتكتشف خيانته لها وتتجاوز عن ذلك بحجة المحافظة على سفينة الحياة من الغرق .. لكن يصدمها الواقع بطامة كبرى وجريمة عظمى لا تغتفر وهي خيانة زوجها وأختها ..

رايي /

في البداية كانت أحداث الرواية جميلة وحبيتها اندمجت معاها بس من خلصت حادثة الخيانة بين الاخت والزوج صارت الاحداث مملة رتيبة .. ما عجبتني تصرفات البطلة لما سوت الغلط عقب الخيانة واحس من اسلوب الكاتبة ان تبرر لها الغلط .. وغلط يتبعه غلط بنفس الطريقة وطولت بالاحداث المتشابهة اللي مالها داعي الا زيادة عدد صفحات فقط ..

من وجهة نظري ما عجبتني نهاية الرواية ونص الاحداث الاخيرة ما حبيتها لا كتصوير ولا كسرد ولا كواقع

( الكتاب قاريته من زماان بس ذاكرة اغلب احداثه وذاكرة اني انقثيت من نهاية الرواية اللي تحتاج لنهاية )

Happy Meat Day =p

2010-11-16T00:17:00.001+03:00

كل عام وانتوا بخير وعيدكم مبارك

والله يتقبل من كل الحجاج ان شاء الله

ويكتب للي ما حج حجة قريبة لبيته ان شاء الله

نحن هــــــــــــنا

2010-11-14T17:48:00.001+03:00

السلام عليكم

الاجواء الحين عجيبة بالبر

عطلة سعيدة للجميع

وين بروح ؟

2010-11-13T19:31:00.003+03:00

السلام عليكم

وين راح اقضي عطلتي ؟؟؟؟؟؟

من باجر الصبح راح نمشي ؟

وين تتوقعون [ واضحة الصور =) ]

يوميــات كويتيات فـي لبــنــان (9) والأخير:)

2010-11-12T16:54:00.003+03:00

السلام عليكم

البارت السابق كان [ هنـــــــا ]

يوم الجمعة /

وهو اليوم ما قبل الأخير لنا .. خليناه طلعة وتمشي وتسوق في انحاء بيروت .. ما رحنا زرنا مشاريع ولا هم يحزنون

من الاشياء الحلوة اللي كانوا مسوينها لنا ان مصروفنا اليومي (50 دينار ) وطبعا احنا اول الايام ما رحنا سوق فكان عندنا مبلغ وقدره رحنا تسوقنا فيه وشرينا اللي فخاطرنا

وختمنا طلعتنا بالأكل من ماكدونالدز

ردينا الفندق وقمنا نلملم اغراضنا لان اليوم اللي بعده من الظهر لازم نخلي الغرف

عاد عقب ما شلنا اغراضنا قمت اصور غرفتنا

عقب ما خلصنا صار الليل وحزة العشا

ودايما العشا يكون في مطعم الفندق تحت

هذا كان آخر عشا يجمعنا بهالسفرة .. نزلنا ناكل وظلينا على طاولة المطعم فوق ال 4 ساعات ههههه خلاص بيعزلون واحنا قاعدين نسولف ونتذكر الاحداث اللي صارت بالسفرة وكل وحدة تقول رايها بالثانية وشنو اللي ضايقها

كان وقت الفضفضة

بعض المواقف المضحكة اللي اذكرها صارت لنا بالسفرة

ان فيه واحد لبناني .. ( تكلمت عنه في احد البوستات ) اسمه علي هذا نفس مرشد لنا

كنا بالباص نتكلم عن اختلاف اللهجات ولا يقولنا انتوا لهجتكم صعبة كلها (ج-ch ) قلناله لا بالعكس عاد قلناله انزين قول مجبوس دياي .. عاد هو رد علينا : شو هيدي انا حتى ما بعرف معناها ؟

شرحناله المعنى واصرينا الا ينطقها وقالها بطريقة تضحك وظلت لزمته طول السفرة نناديه مجبوس دياي ( لا وكنا بنصعب عليه نقوله قول جنجفة ، الخ كل الكلمات اللي فيهم ج )

وبعد اذكر موقف مصورنا استاذ محمود

احنا البنات كنا نقعد بنهاية الباص اما المشرفين والمصور وغيرهم جدام ..

آخر الايام قام استاذ محمود اول ما ندخل الباص يركض يقعد آخر كرسي من اللي جدام ( ان شاء الله فهمتوا هههههه) قصدي يعني يقعد جدامنا على طول عشان بعدين يلف علينا ونقعد نسولف كانت سوالفه جد ممتعة .. يعني ناقشنا مواضيع طويلة .. اختلاف العادات اللهجات كل شي

حتى عرفنا على عايلته كلها ( بالصور طبعا ) وسألنا عن كنيته قال انه ابو طارئ (ابو طارق) فكنا دايما نناديه ابو طارئ .. حتى المشرفات يضحكون يقولون استاذ محمود اول ما ندخل الباص يسبقنا ويقعد عندكم

فيه موقف ثالث ( راح اذبحكم بالمواقف )

كنا يومها بالباص ورادين للفندق ووقتها ما كان فيه غيرنا والمشرفات وواحد كويتي نسيت اسمه بس كان مرافق لنا .. ووقتها ذبحنا الشوق للكويت فقمنا نغني كل الاغاني الوطنية اللي تخطر على بالكم من اقدمها الى اجددها .. شوي طق مطر واحنا نغني استمرينا نغني .. وزاد المطر واستمرينا نغني وبعدين قام ينزل ثلج خفيف .. جان يضحك الكويتي اللي معانا .. ليشش ؟ يقول فيه نظرية تقول اذا الصوت نشاز يطق مطر وانتوا بحالتكم نزل ثلج مرة وحدة ! لوووووول بس صج اصواتنا كانت لا تعليق

وفيه موقف بعد !

لما كنا فبيت السفير .. قالت مرت السفير ان بنتها الصغيرة عندها مسألة بالرياضيات مو عارفة تحلها .. ولا تقول مشرفتنا كلهم فائقات وبنات علمي عطونا المسألة نحلها لها .. عاد عطونا المسألة ظلوا فوق الساعة محد عارف يحلها لووول آخر شي حلها واحد كان معانا .. ( فشلناهم )

في موقف معين مو راضي يروح عن بالي !

باحدى الليالي قررنا نخالف ونسهر .. ممنوع السهر لوقت متأخر عشان مضطرين نقعد مبجر حيل ..

شسوينا اخترنا غرفة وحدة من النبات عشان نسهر فيها .. وانحشنا من غرفنا عقب ما هدا الجو واحنا بالممر (انا وحصة ) تلاقينا مع بنتين صرنا 4 ونزلنا الدور اللي تحت واخذنا بنتين كنا نمر غرفة غرفة ونطق الباب لما رحنا كلنا للغرفة المتفق عليها .. لا وشنو اللي يضحك !

ان كنا كلللللللللللنا طالعين من غرفنا واحنا لابسين البيجامات هههههههه بس طبعا يوم طلعنا حطينا جاكيتات فوقها لا وطالعين بالمداس بعد يعني اللي يشوفنا بالممر نصير مهزلة بس الحمدلله محد شافنا ..

سهرنا لما وقت متأخر بعدين كل وحدة راحت على غرفتها

قاعدة اتذكر فيه موقف بعد ولا لا ..

فيه مواقف شكثر بس ناسيتها الحين

اذا ذكرتها راح انزل بوست فيها ابيها تظل ذكرى

المهم ان سهرتنا خلصت بعد ما فضفضنا

ورحنا نمنا .. ثاني يوم شلنا اغراضنا قبل ما نمشي واحنا بالريسيبشن عطتنا المشرفة هدية حلوة

قالت مفاجأة وكانت مغلفة ولا فتحنا التغليف شنو لقينا

وودعنا لبنان ودعنا الايام الحلوة اللي جمعتنا

هذي الصورة يوم وصلنا مطار بيروت .. قاعدين ننزل جنااطنا من الباص

طرنا للكويت ويوم وصلنا كانت الساعه 10 بالليل تقريبا .. كان المطار زحمة بشكل مو طبيعي

طلعنا كلنا مع بعض تفاجأنا بوجود الصحافة ( اللي مالنا خلق عليهم لاننا كنا تعبانين من الظهر مشردين )

كل وحدة قامت تسلم ع الثانية وودعنا بعض مع دموعنا .. بجينا صج .. مع ان ما كنت متوقعة اننا بنبجي ..

السفرة صج اسبوع بس خلتنا حيل نتعلق فبعض ..

وبجذي تكون خلصت يوميات كويتيات في لبنان

سوري ادري طولت عليكم

Hello VACATION :)

2010-11-11T14:00:00.000+03:00

السلام عليكم

واخيرا اجازة العيد لمدة 9 أيام وصلت

اللي يبي يسافر يسافر واللي مجهز مخططاته :)

احنا كنا مقررين نسافر بس للأسف تكنسلت السفرة

والحين ندور مخطط ثاني

طبعا بعد الهم والدراسة هذي العطلة ما تتعوض فاستغلوها بكل لحظاتها واستانسوا فيها

Have a nice time

& ENJOY

عطلة سعيدة =)

مطعم ليالي الحلمية

2010-11-10T19:02:00.002+03:00

السلام عليكم
الويكند اللي فات قررنا نطلع من الصبح نتريق بمطعم على هالجو الحلو وتغيير جو قبل الامتحانات عاد الاختيار كان على ابوي
ودانا مطعم ليالي الحلمية طبعا اهوا مقهى ومطعم ويطل ع البحر
اول ما قعدنا كان الجو حلو فيه براد بس مو قوي شوي هب الهوا وقمنا نتراجف احنا لابسين لبس خفيف مو متوقعين هالبرد يكون “-_
وصل المنيو

الاختيارات كانت محدودة ما كان فيه اشياء متنوعة

طلبت كلوب ساندويتش

ما شاء الله الصحن كان عوود ومعاه مخلل وبطاط وخس
بس اللي ما عجبني بالكلوب ساندويتش الصلصة اللي معاه(البيضا اللي بالصورة ) مكثرين منها حيل وما حبيت طعمها

وركضت صوب المشروبات الساخنة ابي شي يدفيني

طلبت نسكافيه بالحليب

حسافة بسرعة صار بارد من برودة الجو

اختي طلبت طلبها المعتاد ( حلوم وزيتون )

كنا نظن انها ساندويتش بس ما شاء الله طلع هم معاها شبس مثل الكلوب ساندوتش

والقعدة ع البحر بس تفتح النفس

الله ودي ارد اروح هناك
يبيله هالويكند

نهـايآت المشـاهير

2010-11-05T20:08:00.002+03:00

انتهيت من فترة قراءة كتاب [ نهايات المشاهير ] للكاتب مجدي سيد عبدالعزيز

هذا الملخص اللي كتب خلف الكتاب :

لماذا تجرع سقراط السم في السجن ؟ وكيف مات المتنبي
وما الطريقة التي انتحرت بها كليوباترا ؟ وما سبب وفاة ديكارت وموليير وبوشكين وبيكون ولافوازييه وبلهارس وريلكه والشرنوبي
وعلي محمود طه وأمل دنقل وعبدالمنعم رياض والسياب والملك فاروق وآينشتين وجاجارين ومدام كوري ؟
ومن الذي اغتال وقتل يوليوس قيصر وتروتسكي وغاندي وكيندي والنقراشي باشا وانديرا غاندي ويحيى المشد ويوسف السباعي وكليبر وراسبوتين وحسن البنا ؟
ولماذا انتحر هتلر وعشيقته ايفا براون وتوماس تشاترتون وسينيكا

هذا الكتاب يجيب عن كل تلك التساؤلات من خلال عرض تفاصيل ووقائع ست وخمسين وفاة غير طبيعية بالتوثيق التاريخي والترجمة لكل شخصية والترتيب الزمني من الأقدم إلى الاحدث
والوفيات التي ذكرها عجيبة وغريبة ومثيرة وطريفة كذلك !

رايي بالكتاب :

الكتاب حلو وغني بالمعلومات والحلو فيه ان يذكر الشخصية ونبذة مبسطة عنها وبعدين يذكر سبب الوفاة

واغلب الشخصيات ماتت انتحارا او اغتيالا

واللي لاحظته ان الكاتب للأسف ركز على الشخصيات السياسية والشخصيات الغير عربية والمصرية فقط واهمل شخصيات كثيرة عربية

Me And Engineering

2010-11-04T22:19:00.002+03:00

مريت بمواقف حبيت اكتبها بمدونتي وافضفض بس ما صارت الفرصة للفضفضة !
الله يسلمكم
قبل اسبوعين كان عندي تتوريال كالكلس من الساعه 8 رحت مبجر وبايدي جريدة أفاق الجامعية اتسلى فيها قبل ما توصل المعيدة
قعدت يم بنات اعرفهم كانوا يتناقشون على مسألة جان اقولهم شالسالفة قالولي انهم مو فاهمين المسألة .. شرحتها لهم والامور طيبة
دخلت المعيدة وبايدها ظرف جان اضحك واقول باستهزاء شنو عندنا كويز ولا تقول البنت اي .. انا : ههههه لا تجذبين .. ولا تنصدم وتطالعني تقول من صجج والله العظيم عندنا كويز … انا اصفريت واخضريت سألتها مرة ثانية من صجج ! ولا تقول واحنا من اليوم نتكلم عن المسألة وانتي تشرحين ليش ؟ قلتلهم جذي يعني عبالي تدرسين عادي
الصدمة شلتني اول مرة طول حياتي الدراسية 12 سنة ما رحت المدرسة ولا مرة وانا مادري ان ما عندي امتحان
المعيدة قالت الكويز آخر ربع سااعة .. حمدت ربي وقعدت طول المحاضرة ادرس للكويز لما وزعت الورق حليت وانا خايفة ومرتبكة
لما طلعت سألت البنات متى قاااالت ؟؟ انا ما سمعتها وحاضرة كل المحاضرات ولا يقولون الاسبوع اللي فات كنا بنطلع ولا تقول بنات بعد اسبوع امتحان !
انا عن نفسي ما سمعتها

الواحد يغلط مرة عادي ! بس ان يكرر نفس الخطأ يحس نفسه غبي من فوق ليما تحت !
بعد اسبوع بالضبط وبنفس المحاضرة حضرت مبجر قبل المحاضرة بنص ساعة سألت البنات اللي عندي فيه كويز اليوم ؟ جان يبطونها ضحك علي يقولون تعقدتي مسكينه قلت شسوي .. دخلت المعيدة وشرحت مسائل آخر شي ولا تقول بوزعلكم الكويز اشوف البنات شالوا اغراضهم وتجهزوا ( احنا عبالنا بتوزع الكويز) جان يطلع عندنا كويز .. صرخنا احنا البنات الثلاثة استااااذة انتي ما قلتي احنا ماندري ولا تقول انا قتلكم قبل اسبوعين ان كل اسبوع بسويلكم كويز .. احنا ما سمعنا شلون مادري ..
هالمرة ماكو وقت ادرس ولا شي خلاص قاعدة توزع الاوراق ! مسكت الورقة وايدي ترجف حليت مادري شحليت وطلعت

بعد اسبوع درست للكويز باخلاص ما انلام الموقف تكرر مرتين
رحت وانا دارسة ومتجهزة جان تدخل المعيدة وتقول الكويز اجلته لبعد اسبوع

علي حظ يكسر الصخر
لما اتذكر الموقف مادري اضحك او ابجي بصراحة

.
.
في سياق هذا الحديث < شرايكم بالعربي

امتحنت ميدتيرم فيزيكس وكان صعب وايدي على قلبي لا اكون ساقطة بالميدتيرم لان من 20 درجة وانا ما عرفت احل من الارتباك وحدة يمي طول الوقت تغش مني ضايقتني
الدرجات بعد اسبوع تطلع
ادعووولي ماخذة درجة سنعة
الله يرحمج يا ايام الثنوي

( شكرا حنون ع البرنامج الحلو )

كــويــــت يــآ جـــنــة المــــشـــتــاق !

2010-11-03T14:07:00.000+03:00

السلام عليكمـ

اليوم احساسي بالوطنية مرتفع 3>

طلعت الصبح بسيارتي رايحة للجامعة حسيت بحلات الجو حسيت براحة نفسية

قعدت امشي على ما وصلت للقاعة وانا افكر بالكويت !

الكويت اللي كلنا نحبها

بحرها ببردها .. بصيفها بشتاها .. بغبارها برطوبتها ..
مهما تذمرنا ومهما تحلطمنا يظل حبها متربع بقلوبنا

انت .. تقدر تنكر هالشي ؟ وانتي تقدرين تنكرين ؟؟!
ان احنا نحب هالديرة ان احنا نعشقها

تصوروا شنو الشي اللي ونسني وخلاني اصر انزل هالبوست !

وانا رادة للبيت وحاطة ع المرينا اف ام زهقانة الاغاني بايخة مافيه شي يونس

جان اسمع لحن اغنية اعرفها .. طبول بعدين سمعت [ دار السعد والعز والطيب يا كويت ] عليت الراديو وعشت مع اجواء هالاغنية اللي الكبار قبل الصغار تعلقوا فيها .. وانا اسمعها جان اشوف قطرات مطر تنزل وزاد المطر هالشي ونسني زيادة ( احب المطر ) !

الكل يدري ان هالفترة كثرت الفتن بديرتنا وزادت :(
انتشرت المشاكل .. انتشرت الطائفية !

بس هم الكل يدري ان شعب الكويت قلوبهم على بعضها
ويبان الترابط في المحن .. كل واحد يحاتي الثاني وكل واحد قلبه على قلب الثاني

احنا كلنا عايلة .. عايلة كبيرة يجمعنا شي واحد اسمه [ الكــــويت ]

الله يحفظج يا ديرتي من كل شر ويبعد عنج شر الحساد

.
.

اطلبي الغالي يا كويت يرخص لج
كويتنا حره وبالروح نفديها

Homework

2010-11-03T13:36:00.000+03:00

س١ : من أرسل لك الدعوة ؟

كتكوتة

صاحبة مدونة: シｦɑ⁶σσɱɑ ❤ kɑɫkσσɫɑシ

س٢ : ما هي الموقع المفضلة لديك و تزورها باستمرار ؟ ضع رابطها و ما تستفيده منها

أول موقع هو محرك البحث الشهير GOOGLE

بواسطته لقيت اغلب المواقع الثانية المفضلة عندي

ايضا موقع blogger اذا دشيت النت لازم اجيك ع المدونات ومدونتي

بعد موقع جريدة الوطن الالكترونية من فترة لفترة اطل عليه

فيه مواقع شكثر بس هذا اللي يحضرني الحين

س٣: حول الواجب الى 5 مدونين ؟

اللي يبي يحله حياه الله مابي احدد احد معين :)

وشكرا كتكوتة & سوري ع التأخير

يوميــات كويتيات فـي لبــنــان (8)

2010-10-23T19:42:00.000+03:00

السلام عليكم

البارت السابق ( هــنا )

اليوم: الجمعة

هذا اليوم اقدر اسميه يوم الهدوء النفسي يوم الراحة والروحانية !

جولتنا لهذا اليوم كانت إلى طرابلس ~ ثاني أكبر مدن لبنان بعد بيروت

لما تتمشى بطرابلس تحس انك بين اهلك وناسك .. ليش ! مادري بس يمكن لطيبة اهلها وانتشار الاسلام الواضح في هذا المكان

واحنا نتمشى فيها سمعنا صوت الاذان لصلاة الجمعة .. انشرحت قلوبنا وفرحنا .. من طبينا لبنان تقريبا ما سمعنا صوت الاذان بس بطرابلس سمعناه

مرينا بأماكن سريعة منها باب التبانة وتوجهنا إلى قلعة جبيل

القلعة عجيبة لما تدخلون داخلها تحسون انكم رجعتوا لأيام قبل !

اثناء الشرح والمصور استاذ محمود يصور !

اللقطة هذي صورتها من داخل القلعة منظر الغيوم وهي محاوطة القلعة عجيب !

هذي اللقطة من اعلى القلعة 3> صعدنا فوق ع السطوح والمشرفات خايفين لا نطيح لان السطح مساحته صغيرة جدا ومو مسور :)

نهر العاصي ايضا من اعلى القلعة :)

القلعة حسب ما شرحولنا كانت لفترة من الفترات للجنود يحتمون داخلها يعني استعملوها كحصن

وبفترة ثانية اصبحت القلعة سجن وحطوا داخلها مساجين

والصورة اللي فوق داخل احد الزنزانات تخيلوا من داخل ظلللللللللللمة لا ليت ولا شي احنا نمشي نتمسك بالطوفة بس بالفلاش بين المكان

هذا المكان كان منور شوي

هذا حمام المساجين *عزكم الله *

وابتسامة للكاميرا من مصورنا :)

زيارتنا التالية كانت لنادي عمشيت

النادي كان في فترة بناء صالات رياضية متطورة وطبعا بتمويل من الصندوق الكويتي

رئيس بلدية عمشيت

وهني يبين مكان البناء وهذا عبارة عن ملعب ما شاء الله مساحته كبيرة

حلفوا علينا الموظفين ان نقعد ونقص الكيك وناكله

قلنالهم مستعجلين بس رفضوا وحطوا الكيك وعلم كويت ولبنان

لقطة ثانية.. الدكتور محمد صادقي ورئيس بلدية عمشيت

رحنا بعدها الى بلدية طرابلس

واستقبلونا احسن استقبال ورحبوا وهللوا فينا

رئيس بلدية طرابلس

خلصنا من الزيارات الرسمية وقررنا نتمشى في سوق جبيل الأثري

الكبابيس المشهورة

شكلها يشوق لبسناها وصورنا فيها عقب خلصنا ورديناهم

جان يعصب راعي المحل ان ما شرينا منه ههههههه ضحكنا عليه لما عصب وقام يزف

وختمنا جولتنا الممتعة في ميناء جبيل

* الصورة هذي من الصور المفضلة عندي *

والتقطنا صورة جماعية عند الميناء وخلص يومنا في طرابلس العزيزة =)

[ هانت ما بقى شي وتخلص اليوميات .. صارلي سنين وانا انزلها ههه ]

مذكرات بنت بطوطة ..

2010-10-22T10:56:00.000+03:00

خلصت من كتاب مذكرات بنت بطوطة لأبرار الغصاب

الكتاب يتكلم عن بنت اخذت جولة حول العالم الى عدة دول لتبحث عن شيء تفتقده في موطنها ولكن لا تعرف ما هو

بصراحة حسيت فيه شي مشترك بيني وبين بنت بطوطة :)

لان امنيتي وحلمي اللي ان شاء الله احققه اني اسافر لدول العالم ومن خلال مذكرات بنت بطوطة عيشتني بكل ديرة احساسها مشاعرها حزنها فرحها

بداية مميزة لـ أبرار الغصاب في مجال التأليف

وناطرة الاصدار الثاني :)

TOFFEE NUT LATTE

2010-10-18T16:11:00.000+03:00

جــديد ستار بكس

TOFFEE NUT LATTE

كنت رايحة اطلب موكا من ستاربكس جان اشوف شي جديد

قلت اطلبه واجربه

مكوناته = بندق + توفي

اول ما جربته حسيت اني قاعدة آكل حلاوة توفي مذوبينها :p

بس شوي بدت تطلع النكهة الاصلية

عجبني طعمه وان شاء الله راح اطلبه مرة ثانية =)

سعره = 2.300

معرض الكتاب الدولي

2010-10-16T19:16:00.000+03:00

السلام عليكمـ =)

رحت معرض الكتاب واخيرا :>

طبعا المعرض ما شاء الله مميز هالسنة وفيه كتاب شباب تميزوا باصداراتهم ومنهم اخوانا المدونين واخواتنا المدونات

فريت المعرض ب 3 ساعات تقريبا

ما كنت محددة مبلغ معين بس اوريدي طلعت بوكي فاضي :p

وهذي هي مشترياتي

( هذا عجبني ليت نثبته بالكتاب عشان اذا ظلمة اقدر اقرا )

وبس

ان شاء الله كل ما اقرا كتاب اعطيكم ريفيو عنه =]

5 × 1

2010-10-15T10:19:00.000+03:00

السلام عليكم ..

كل مرة افكر انزل بوست الف شغلة وشغلة تطلعلي

عشان جذي راح اجمع كل شي في هالبوست :)

======

اخبار الدراسة والكلية :

راح نبدا كويزات بعد اسبوع والافتتاحية كويز فيزيكس اللي مو فاهمة شي منه .. ما ظل نوت بالعالم ما شريته

ودكتورنا بصراحة نو كومنت ! :@ ما حل معانا مسائل كلش وياخذنا من محاضرات التتوريال .. حدي منقهرة منه لا وفوق هذا عطانا كويز واثق اننا بنحل فيه اذا حل مسائل ما نعرف نحل !

الميدتيرم يبدا على اول 11 الله يستر منه

======

كنت بنزل بوست خاص عن الانتخابات ورايي الشخصي فيهم قبل ما تطلع النتايج بس ما حصلي

ان شاء الله انزل البوست متى ما فضيت

========

رحت ذاك اليوم مسرحية بخيت وبخيتة ل طارق العلي

بصراحة خوووش مسرحية وغيرت المود شوي ونستنا ..

بس احس وقتها صار قصير شوي لانها بدت 10 وخلصت 2 خبري مسرحياته اللي قبل يبدون 8 ويخلصون بعد ال 2

من وجهة نظري ان مسرحيات طارق اهيا التوب ..

صج احيانا يتطنز واحيانا يقول كلام " خادش للحياء " على قولتهم

بس ما ننكر ان له جمهوره وان مسرحياته عليها اقبال

وانا وحدة من الناس اللي ما ينزل مسرحية الا اروحلها

هذي المسرحية افضل من المسرحية اللي قبلها امم جنه اسمها " ابو سارة في العمارة " !

============

معرض الكتاب بداا ! =)

واخيرا صارلي فترة مو شارية كتب وناطرته على احر من الجمر

خصوصا ان السنة اللي فاتت رحت المعرض مرة وحدة وفريته بأقل من ساعه لضيق الوقت :(

هالمرة بفره عدل بحلله وبشتري كل الكتب اللي بخاطري

مو محددة كتب معينة اشتريهم

بمشي بالمعرض واشوف اللي يعجبني باخذه ويمكن اذا فضيت بسويلي جولتين فيه ..

============

الحر مع الجامعة مو حلوين

ناطرة الشتااااااا ابي برد ابي ثلج < قوية

بس صج على الاقل واحد يمشي من بوابة 6 لما مواقف الفرع بجو باااااارد

الحين واحد يمشي ويذوب على هالجو

فلازم اسلي نفسي بهالحر بعز الظهر بشي بارد

الله بصراحة شيين بخففون علي الحر والزحمة تدرون شنو

شي بارد اشربه بالطريج + برنامج الديوانية :p

اشوفكم على خير ان شاء الله :)

Strawberries & cream

2010-10-05T11:30:00.002+03:00

السلام عليكم ..

جربت جديد ستاربكس strawberries and cream

حسيته عادي مافيه شي يميزه

يعني قهوتهم احلى من العصير

على قولة امي تقول جنه برد مذوبينه :p

يوم مستجدة في الكلية :)

2010-10-04T13:24:00.000+03:00

السلام عليكم

مساء / صباح الخير

امبي من زمان عن بلوقي .. مشتاقتلكم

بس شسوي بدت الدراسة وبدا الكرف وبدا التعب :p

كنت بكتب لكم شصار من اول يوم بس ما فضيت

اول يوم داومت متحمسة وحالتي حالة .. جان انصدم من الوضع .. مافيه احد اعرفه بالكلية .. حر مووت .. محاضراتي من مبنى 66 الى مبنى 11 ( لطلبة كلية الهندسة راح يعرفون ) وبينهم 10 دقايق .. يعني بال 10 دقايق هذي اقوم اركض وابتون وكل شي عشان اوصل

لا واول ما وصلت ولا الكلاس فل لما النهاية .. مافيه الا جم كرسي ورا فاضيين :| .. وما يمدي قعدت اخذت نفس الا الدكتور داخل

< هذا اول يوم الحين بديت اتعود ع الهرولة شوي شوي لوول

على قولتهم داشين ماراثون

المهم ان طلعتي تكون اول يوم 2 الظهر وبالاساس المحاضرة الاخيرة اعتذرت الدكتورة فطلعتي صارت 1 وانا متشققة بطلع مبجر بفتك من الحر

ظليت ناقعة ساعتين بالشمس انطر امي لاني ما كنت رايحة بسيارتي .. وامي واقفة بالخالدية بس الطريج مسكر السيارات كلش مو قاعدة تمشي .. اتصلت عليها وانا زهقانة جان تقول انها عند دوار العلوم جان اطقها مشي بالشمس من دوار الهندسة لما دوار العلوم .. المشكلة عادي امشي بس ان انجرحت رجولي فمو قادرة ادوس عليها زيادة والشمس طاقة براسي اشوه وصلت السيارة على الاقل مكيف ووصلنا البيت الساعه 4 الا ربع تقريبا ..

يعني اول يوم كان كئيب ومحبط جدا جدا .. قعدت افكر لا يكون كل يوم جذي .. شنو كل يوم بقعد ساعتين ولا ثلاث على ما اطلع من الخالدية

المهم بعدها قمت اروح بسيارتي واصفط عند مصافط الفرع اللي بالخالدية واروح مشي لبوابة واحد .. طبعا الطريج شوي بعيد بس عادي ولا اعلق بالزحمة مثل اول يوم توووبة

بدت الدراسة وبدت الهوموركات والكويزات

الله يوفقنا ويوفق الجميع =)

اما عاد سالفة الانتخابات والقوائم هذي بروحها يبيلها بوست برووووووح لوووووووووووول مو صج

الله يعينهم بصراحة :p

يلا نشوفكم على خير ان شاء الله :>

يوميــات كويتيات فـي لبــنــان (7)

2010-09-25T15:44:00.002+03:00

السلام عليكمـ

البارت رقم (6)

اليوم : الخميس

هذا اليوم اقدر اسميه يوم الرعب

مرينا بموقف يضحك وكان في شد اعصاب

بس الحين لما اتذكر اشكالنا اضحك .. صج الانسان وقت الخوف ما يحس بنفسه

بدا يومنا بالريوق كالعادة وعقبها ركبنا الباص عشان ننطلق ..

واحنا ماشيين جان تقوم وحدة من البنات تورينا رسمتها

كانت راسمة المنظر اللي مرينا من عنده توه

عقب رحنا مركز اعادة تأهيل المعاقين

وانا بالباص ذبحنا المصور * الله يذكره بالخير * كل شوي يجي عندنا ويصورنا جم صورة او يقولونا سووا روحكم تقرون ومن هالسوالف

عاد بعدين عكسنا الادوار قتله خنصورك

استاذ محمود فعلا استاذ محترم ورائع :)

واحنا بالباص سألتنا المشرفة .. تبون نوديكم بوابة فاطمة ؟ عادي !

طبعا احنا لجهلنا ولاننا ما ندري شنو هالمكان اصلا قلنا اي اي عادي

يومها كان الجو حده حده حده عجيب .. مغيم ويهبل < غرامي هالأجواء اللندنية

بعدين لما قربنا وجهتنا جان نسمعهم يتكلمون عن تصريح وما تصريح ومادري شنو

عاد قلنالهم احنا وين رايحين < بعد ما لاحظنا ان قاعدين نمشي بمكان مافيه بيوت ..!

قالوا رايحين الحدود اللبنانية - الفلسطينية

طلعت بوابة فاطمة موجودة عند الحدود واحنا ما ندري شالسالفة

قالوا ان محد يعبر المكان الا بتصريح خاص مو اي احد يدشه

هني بدا الخوف يتسلل الى قلوبنا وقالولنا اهدوا مكانكم اهني المنطقة كلها جيش ..

لقينا نقطة عسكرية ووقفنا عندها وقالولنا انزلوا من الباص عشان نصور عند لافتة موجودة بس ما ننزل كاميراتنا ولا نصور فيهم ممنوع

لقيت هالصورة بالنت مصورينا عند لوحة لحزب الله

كان فيه دبابة وواقف يمها جندي .. اول مرة اشوف دبابة ع الطبيعة < ان شاء الله ما نشوفها ابد

عاد قلت للمشرفة عفية بنزل كاميرتي واصور مع الجندي والدبابة .. جان احصلي زفة < استاهل

عبرنا ورحنا صوب قلعة الشقيف

القلعة حسب ما سمعت انها تضررت من الحرب وضربوها اسرائيل والحين قاموا يرممونها بمساعدة من الصندوق الكويتي للتنمية

وهذي بعض المعلومات عنها من ويكيبيديا >>> /// <<<

القلعة ما دخلناها بس بسرعة من برة لأن الجو اصلا كان قمة قمة قمة بالبررررررررررررررد

اول مرة بحياتي اشوف برد جذي .. يعني من شدة البرد وحدة من البنات زرقت

بس كان الجو عجيب .. احب البرد .. وكان فيه وادي يم القلعة يشوق

شوفوا الجو شحلاته شلون الضباااب صاير 3>

تحت موجود الوادي بس كلش مو مبين

وهذي صورة جماعية للقروب عند القلعة والوادي

ردينا ركبنا الباص واحنا نتراعش قربنا من صوب الحدود كل وحدة من البنات قامت تتصل على اهلها وتسلم عليهم ( يمكن يصير هجوم مفاجيء ) وخصوصا ان لبنان كانت توها طالعة من الحرب مع اسرائيل

اتصلت على امي وقتلها يما ترى الحين راح نمر صوب فلسطين .. امي اخترعت: شموديكم هناك !! قتلها رايحين نشوف مشاريع الكويت

حسيت امي بتقول : أي مشاريع اي بطيخ لوول .. المهم صكيت منها وصار الباص هدووء البنات ساكتين وكل وحدة تطالع الدريشة

ولا وحدة من البنات تقول يلا بنات سموا < لما قربنا .. تشهدوا > تشهدنا .. وقاموا البنات يقرون آية الكرسي بصوت عالي مع بعض

اهني انا قمت اضحك صج صج الموقف يضحك والحين لما اتذكره اموت ضحك ..

وحدة من البنات : امبي بنات انا لما الحين ما تحجبت استغفر الله ..

ومن هالتعليقات حتى المشرفات استغربوا من هدوئنا لوووووول

مرينا واشرت المشرفة شوفوا شوفوا هذي فلسطين

مادري شنو شعوري هاللحظة صج كان شعور حلو اني مارة يم فلسطين حسيت بشي غريب .. المكان ما كان فيه اسرائيليين مثل ما كنت متخيلة كانت ارض فاضية

بصراحة مادري اي وحدة منهم صورة فلسطين اللي صورتها وانا بلبنان :p بس اظن هذي

وهذي صورة التقطتها واحنا بالباص

واحنا ماشيين بالطريج جان شصار .. قام ينزل ثثثثثثلج

يااااهوو قعدنا نحن عليهم عفية نبي ننزل تكفون عفيه الله يخليكم شوي ما نطول

عاد خلونا ننزل بس بسرعة

كان الثلج نازل وصاير سيدة محد جايسه عاد احنا قحصنا عليه لوول

لعبنا بالثلج شوي بس ما طولنا لأن الهوا كان قوي شوي ونطير

ردينا ركبنا الباص < يا هالباص

ورحنا لمكان حلو

كانت منطقة مرتفعة شوي وبانيين فيها اهالي المنطقة شي تقديرا لجهود دولة الكويت

ابراج الكويت في لبنان ( شوفوا الجو بالصورة شحلاته => )

شكلهم يونس جنهم ابراج الكويت الحقيقية بس انها اصغر والكرة مسوينها خضرة بدال الازرق

وهذا باصنا الحبيب كان صافط عند ابراج الكويت اللبنانية :p

طلعنا من المنطقة بكبرها وردينا الفندق بعد يوم مرعب =>

قبل ما ندش الفندق وقفنا بره وقمنا نصور مع المصورين وسايق الباص

< لووول :>

وهذي صورة لمصور الفيديو * Our camera man *

وبس =) خلص يومنا

حقيقة الخديعة

2010-09-24T20:35:00.000+03:00

السلام عليكم =)

كتاب حقيقة الخديعة لـ [ دان براون ]

الكتاب بدايته ما كانت مثل باجي كتب دان براون اللي قريتهم اللي هم الرمز المفقود ، شيفرة دافنشي ، الحصن الرقمي

ما كان اكو جريمة مافي لغز .. كانت بدايته عادية وبالبداية ما شدني

بس بعدين عجبني مع الاحداث خصوصا ان الرواية هذي كلها أسس علمية يعني رواية لغزها علمي وفيها اشياء علمية عشان جذي استانست عليها :p حسيت انها تتكلم عن مجالي وتتكلم عن شي من الفضاء وهالشي انا احبه ولو ان فيها كلام عن الجيولوجيا وانا اكره الجيولوجيا :/

هذي من ورا

بكل صراحة مستحيل كتاب من كتب دان براون ما تعجبني .. يعجبني اسلوبه وصياغته للرواية والترجمه بعد حلوة وواضحة

صج ان في رواياته اشياء احيانا ما افهمها ويتعمق بمواضيع مبهمة بالنسبة لي بس هذا ما يقلل من قيمة روايته وحبكته للاحداث

يعني فبساطة الكتاب اللي قروه ومو مهتمين او ما يحبون الاشياء العلمية لا يشترونه :>

مـذكـرة الأسـئـلة الـشخـصيـة :)

2010-09-23T09:46:00.000+03:00

السلام عليكمـ ..

كان عندي هواية أيام المتوسطة وهي اني اسوي دفاتر اسئلة < مشهورة طبعا عند طلبة المتوسطة بس انا كنت اسويها بالهببببل

عاد ذاك اليوم تذكرتهم جان اطلع كل دفاتر الاسئلة اللي عندي

لما عديتهم طلعوا 12 دفتر :$

مادري شلون سويت 12 دفتر بـ 5 سنين بس لووووووول

الظاهر كل كورس دفتر ودفترين مجانا

عاد قعدت اتصفحهم .. امبي شنو ضضضحك .. صج سوالف عمر المراهقة عجيبة نكتة :>

صورتلكم بعض الرسايل اللي كاتبينها رفيجاتي ودذبتني وضحكتني

طبعا بس بجم دفتر لأن باجي الدفاتر ما شفتهم تعبت بصراحة

شنو كاتبة رفيجتي هني > كاتبة إلى صديقتي صلاح الدين وبخط صغير الأيوبي

لما كنت بالمتوسطة كنت احب احمد صلاح الدين < اللي كان بستار أكاديمي :p وكانت تناديني صلاح الدين وانا اناديها بيشو< هم كان بستار اكاديمي

امبي مو صج .. ×D بس تطمنوا الحين ما اواطن المطربين وستار أكاديمي بكبره

الحين شكو نانسي عجرم بالموضوع :/

لا ومادحتني تحت وكاتبة فوق sorry nanSy لوووووووووووووووووول

تصدقون لحد الحين مادري منو قصدها بالكلام اللي بالأحمر :p

ههههههههههههههههههه هذي مو صج

لقيت كاتبتها ببداية الدفتر < كنت بـ 2 متوسط

كانت شلتنا اسمها الأبيض للأزياء ليش لأن كنا دايما نسوي موديلات بالحجابات ونسوي عرض أزياء بالصف وخصوصا وقت الاحتياطات

عاد كانوا كل الشلة متحجبين الا انا ... ما كان عندي حجاب ادور اي بنت اخليها تتبرعلي تفصخ حجابها واسوي فيه موديل لول

احم فشلتني :p

هني كنت كاتبة اكتبولي اغنية بالرسايل

عاد معلقة هذي كاتبة الاغاني حرام لو تدرين :$

شدعووووة علييييييييييييييييج

هههههههههههههههههههه > المحامية والعاشقة الولهانة

شنو هذي الألقاب

لا وفي دفتر ثاني كاتبة فيه > معاندة الواقع < قلبت فجأة ×D

لا وعلى فكرة ترى تخرجت من الثانوية ودرست بمعهد البنت .. والحين موظفة مادري وين

يعني لا محامية ولا شي :p

وبس

اذا بعدين سويت جولة ثانية عليهم انزل بوست

fake identity

2010-09-22T18:39:00.002+03:00

السلام عليكم

رحت فيلم fake identity

هذا البوستر

نوع الفيلم : جريمة واثارة

بطولة :

Val Kilmer

Izabella Miko

قصة الفيلم :

(من موقع سينسكيب )

القصة
في الشيشان تأخذ حياة دكتور أمريكي منعطف خطير عندما يساعد امرأة غامضة على الهروب من قاتل مأجور يطاردها.

تبون الصراحة دخلت الفيلم وطلعت وما فهمت منو هو المجرم :/ كلهم ماتوا بنهاية الفيلم الا الابطال :@

مادري شفيه حظي مع الافلام صاير مو حلو

وع العموم الافلام اللي نازلة الحين بالسينما كلها مو شي .. واغلبها افلام هندية !

=========

عقب ما طلعنا من السينما واحنا ماشيين تونا بنطلع من اللفة ولا ما نحس الا دوووووووب سيارة دعمتنا من ورا وراسي طار ورا طق بالكشن :/

والله صدع راسي صداع مو طبيعي

بس الحمدلله جت سليمة ..

مدونون مسلمون

2010-09-22T09:53:00.001+03:00

السلام عليكم

وصلني عبر الإيميل رسالة من شبكة ابو نواف البريدية

وهذا هو الموضوع ( هنا )

عجبني موقع مدونون مسلمون

سجل فيه مدونتك أيا كان نوعها

وهذه معلومات عن الموقع

*******

* منبع الفكرة:

مع ظهور رابطات و لجان للمدونين تجمعها رابطة قومية ، و خلو الساحة التدوينية من تجمع يرتكز على الرابطة الإسلامية بين المدونين ، كان هذا المشروع ، على أن يكون : ” موقع فهرس يضم جميع المدونين المسلمين وينشر مقالاتهم ويقوم بأنشطة متنوعة المواضيع من وقت لآخر يشارك فيها المدونون”

* الرؤية:

موقع فهرسة لمدونات المسلمين و المسلمات يجمع أكبر عدد من المدونات – بغض النظر عن طبيعتها والموضوعات المطروحة فيها – و يساهم في الرقي بهم مع اهتمامه بشؤون المسلمين.

* الأهداف:

- ترسيخ الهوية الإسلامية، و جعل الانتماء للدين أولاً، قبل الانتماء إلى وطن أو إقليم أو جنسية.
- خدمة شؤون المسلمين وتعريف المدونين المسلمين بأحوال بعضهم البعض.
- فهرسة مدونات المدونين المسلمين.
- زيادة رواج وانتشار المدونات المتميزة وتقديم العون لها.
- المساهمة في الرقي بمستوى المدونين المسلمين عن طريق تقديم (دورات – استشارات – برامج عامة – … الخ).

********

لقيت كم هائل من المدونات الرائعة :)

britney spears perfume

2010-09-21T20:49:00.000+03:00

مساء الخير =)

وصلتني هدية نايس وهي عطر من كوليكشن بريتني سبيرز

هالعطر أحبه وريحته حلووة

في منه لون أزرق بس مادري رجالي ولا لأ ! ما جربته من قبل بس شايفته

Thank you =*

يوميــات كويتيات فـي لبــنــان (6)

2010-09-20T12:20:00.000+03:00

البارت السابق هنــــا

اليوم : الأربعاء

التاريخ: 3-2

اليوم هذا قريب مني حيل واحبه .. صرنا احنا والقروب حيل ( كلوز ) وكان يوم ممتع رحنا اماكن مختلفة ومرينا بمواقف مختلفة .. فيه مواقف صارت ودي اذكرها لكم بس طبعا مو متذكرتها كلها وراح اخلي بعد انتهاء اليوميات بوست لهالمواقف جد مواقف تعلمت منها اشياء واستفدت

( البوست هذا شوي طويل لكثرة الاماكن اللي رحنالها بهاليوم )

نبدا بهاليوم

كان استيقاظنا كالعادة الساعه 6 ونص تقريبا . سحبنا نفسنا من الفراش غصب عقب ما اتصلت على غرفتنا ( رباب ) وازعجنا صوت التلفون .. تريقنا في بوفيه الفندق وريوقي كان ( الروب ثم الروب ) كان روبهم لذيذ بشكل مو طبيعي يخليني عادي اتريق فيه بروحه .. توجهنا بعد الريوق كان الى الضاحية الجنوبية .. اول شي ودونا حديقة الطيور جذي عشان نغير جو وكانت بطريجنا

طبعا من داخل مافيه غيرنا ( منو بيقعد هالحزة اصلا )

تفرجنا ع السريع ما طولنا

البطة اللي فوق عجبتني جنها جذب مو صج حتى لو تدققون عيونها زرقا < يمكن مركبة عدسات :p وعلى طاري البط وين البطة ( المدونة ) مختفية من فترة :> ؟

هالبومة ظلت تبحلق بعيونها > جبح :p

هالماعز ضحكتني مو راضية تلف علي ويوم قلت بضحك ( يلا قولي تشيييييز ) جان تلف جنها تدري

هني عند البير صج صج كان الجو بديييع والدنيا ربيع .. شوفوا الخضار يوونس

لازم حركات البنات :p

هذا ( حمزة ) ولد الحارس .. اسم الله عليه

طبعا بعدها رحنا زرنا مدارس قاعدين يبنونها ومشاريع شكثر منها ( المشروع المقترح لانشاء القاعدة الرياضية - مشروع مركز الطوارئ - مشروع وعد ) وبتكلم عن مشروع وعد شوي

الضاحية الجنوبية فعلا كانت منهارة من اثار الحرب وشفنا هالشي بالفيديو والصور وتقريبا كل المنطقة كانت بنيان .. عمارات ومحلات قاعدين يعمرونها ( لقيت صور من موقع الصندوق )

يومها كان في مطر خفيف واحنا ظلينا نتمشى بدون الباص الباص وقف بعيد .. تغرقنا بالطين من قلب

لما خلصنا من اللوية والمشاريع رحنا نتغدى بمطعم الساحة هالمطعم راقي وحلو ( وقالوا قريب بيفتحونه بالكويت بس متى مادري ) وداخله متحف بسيط

هذا جنه أكبر تلفون او أول تلفون طلع> ترى فيه سماعة بس ماسكتها كنت بيدي :)

كانوا حاطين كل الوظايف والشغلات اللي كانت بلبنان قبل وحاطين تعليق عليهم بس مسحتهم :/

( صورة أكبر عملة ورقية )

طق يا مطر طق > ونااااسة الجو روعه > طبعا هالصورة ما زلنا في مطعم الساحة بالحوش

هذا القهوجي ابو شوارب لوول نسيت اسمه جنه اسمه ابو مصطفى جنه > هذا يقولكم متزوج 4 نساء ويبحث عن الخامسة هههههه لا اضحك متزوج بس مادري جم وحدة وعنده شي و60 ولد وبنت ما شاء الله الله يخليهم له ويزيده :p

هالصورة صج حدهااا كووووول اخذتها من موقع الصندوق .. كان الاخ ابو شوارب يدق ع الخشب مادري شلون تطبيلة غريبة بس تشيش :p واحنا نصفق حده ونااسة ساعتها :> وهني كان ختام جولتنا مع مطعم الساحة

طلعنا بعدين دايركت على مشروع مجال

هذا المشروع بروحه قصة .. روووعه رووعه اكثر مشروع تأثرنا فيه وحبيناه لأنه جدا انساني

طبعا وقتها كان افتتاح مخبز وهالمخبز كل اللي فيه مسوينه مجموعة من ذوي الاحتياجات الخاصة

ما شاء الله عليهم مبدعييييين وفطايرهم وشغلهم رهيب

فيه فيديو مصورينه لشخص من اللي مشاركين وهو يلقي الكلمة ( ذبحني مو راضي يتحمل الفيديو :( )

هذي البنت أم احمر تهبل ما شاء الله .. ترى رافعه بايدها شمعة عليها علم الكويت .. وكل شوي تصرخ تقول الكويت وتقوم تصفق من قلللللللللب وبحماس 33333> وكان فيه فيديو وهي تسوي الحركة بس مادري وينه

هني مع الدكتور محمد صادقي .. قالوا ان الدكتور كان دايما معاهم ويزورهم ويلعب معاهم عشان جذي متعلقين فيه

هذا شغلهم ماا شاء الله :*

ردينا الفندق واخيرا بعد هالجولة بس لا تظنون اننا خلصنا :p ردينا بدلنا ملابسنا وتجهزنا ومشينا على بيت السفير الكويتي .. كان عازمنا على العشاء

فبيت السفير قضينا وقت رووعه اول شي قعدنا سولفنا مع السفير ومرته وبناته وبعدين رحنا تعشينا وعقبها كانت في مفاجأة بانتظارنا :d

طلعنا بره البيت من الباب اللي ورا كانت الحديقة وحاطين خيمة بوسطها خيمة شكبرها لا اله الا الله .. الله ردينا لجو الكويت والبر ومن داخل الخيمة حاطين دوة وشابين النار .. قالتلنا مرت السفير .. احنا لما نقعد بالخيمة نحس اننا ردينا الكويت وصج هذا اللي صار .. شوي جابوا بنات السفير جنجفة وقمنا نلعب هند :>

القعدة كانت تونس تأخرنا عندهم نسينا نفسنا نحاسب اننا بزوارة :p

طلعنا من عندهم ع الساعه 1 بالليل وردينا الفندق هلكاااااانين

وعلى طووول نمنا

خلص اليوم وأخيرا =)

PIZZA BURGER

2010-09-20T00:05:00.000+03:00

السلام عليكم

اليوم طلبت pizza burger من برجر كنج

المطعم المفضل بالنسبة لي من الوجبات السريعة اهوا برجر كنج بس عيبه انه ما يوصل لمنطقتنا :/

عاد اليوم كان فيه لقاء لطالبات الهندسة بالخالدية س 6 وانا كنت صايمة فرحت هناك واذن ما فطرت اللهم شوية عصير بليت فيهم ريجي طلعت من اللقاء ع الساعة 8 ورحت برجر كنج طلبت

ظل نص ساعة على ما طلعلنا الطلب مادري ليش طول والطابور ورانا شطوله كل الناس بيطلبون منه

طعمها حلو بس يعني مو واو مثل ما كنت متصورة

بالنسبة لي كنج تشيكن فيلة وجكن رويال احلى بمليوووون مرة

ونفس سالفة رورو الشخبوطة قمت ادلل عليها محد راضي ياكل معاي لوووول لأن محد يحب برجر اللحم بالبيت

حسافة عليها لو يسوون منها حجم اصغر :)

وصح باجر العيد عندي اليوم آخر يوم صيام الحمدلله =)

NAZ

2010-09-19T01:56:00.000+03:00

السلام عليكم

كنا صايمين قبل يومين ورايحين السوق فمرينا على مطعم naz عشان نتفطر

المطعم من داخل فااضي وناسة لأن مو حزة وجبة ..

عطونا المنيو

وبعدين حطوا لنا الجبن والخضرا مع خبزهم الايراني اللذيذ

اذا الشخص صايم ما يقدر يكثر اكل يعني لقمتين تشبعه عشان جذي مو شي روحة المطاعم مع الصيام لوول .. <

لاني ما جربت لا الخبز الايراني ولا اكلت من الجبن مع اني كنت مشتهيتهم قبل ما اتفطر :p

انا طلبت شبس وعيش مع كباب

لا تسألوني ليش الصورة متحركة :p

كنت صايمة وبتفطر لووول

امي وابوي طلبوا بعد بس ما صورت اكلهم

طبعا اكلهم لذيييذ 100 % وكبابهم نايس < مطعم ايراني شرايج

وبس =)

استعدادات :)

2010-09-18T02:25:00.000+03:00

السلام عليكم

ذاك اليوم رحت السوق اتمشى بس طبعا لازم ايدي تحكني واشتري :p

عاد شفت عدة تصلح للقهوة وهالسوالف < اللي هي غرامي اصلا

اشتريتها لاني كنت محتاجتها

شريت هذي

عبيتها نسكافيه ، كوفي مايت ، جوكلت ، سكر

واشتريت هالعلبة للكاكاو أو الحلاو

وجهزت العدة وضبطت كل شي استعدادا للعام الدراسي اللي هو بعد اسبوع :)

لوول طبعا انا متعودة لازم مع الدراسة اشرب شي .. واذا ايام الامتحانات باليوم يمكن 8 اكواب :/

واشتريت بعد كراسات 3>

شخباري موو :p ؟ بس والله خنعيش طفولتي

طبعا شوفوا تلويني شحلاته :D

لقيت قلم عجبنييي للجامعة .. بس طبعا ما اتخيل شكلي ماسكته بالجامعة شكلي بيكون غلط بخليه للبيت

الخروووف كيووووووووووووت .. ومعاه ميدالية للتلفون

وبما ان عيد ميلاد اخوي الصغيرون بعد جم يوم اشتريتله هدية

الكمبيوووتر القديييم جان تذكرونه كنت صج صج احبه وانا صغيرة

بس شكله كشخة جنه كمبيوتر صجي

معاه الكيبورد والماوس

عاد اخوي من جيل البلي ستيشن والبي اس بي عسى تعجبه > يا خوفي يقطها بوجهي ويفشلني خخخخخخ :p

1/4 جرام

2010-09-17T16:34:00.000+03:00

السلام عليكم

كتاب ربع جرام

للكاتب المصري عصام يوسف

هي عبارة عن قصة واقعية لمجموعة شباب ادمنوا المخدرات منذ البداية كيف ادمنوا الى النهاية

الكتاب بكل صراحة اول شي مليت وانا اقراه لأن مكتوب باللغة العربية والحوارات كلها باللهجة المصرية وكلمات صعبة ما فهمت معناها وسبب ثاني التعمق في شرح انواع المخدرات ( يعني معتبرين القارئ يعرف جميع انواع المخدرات والحشيش والهيروين ) يعني شي يملل ويضيع

والسبب الثالث الكتاب تقريبا 600 صفحة O_o والمواقف تتكرر ..

بس القصة الحلو فيها انها واقعية وبعدين على آخر شي صار الكتاب احسن

رايي النهائي : اممم جني تحسفت اني اشتريت الكتاب :)

وعلى فكرة ( الناس أذواق ) يمكن ما عجبني بس يعجب شخص ثاني وهذا واضح لأن الطبعة العاشرة وكاتبين عليه best sales

هذا الكتاب من الخلف

يوميــات كويتيات فـي لبــنــان (5)

2010-09-15T13:44:00.000+03:00

مساء الخير =)

من زماااااااااان ما نزلت يوميات كويتيات في لبنان توني أتذكر .. ادري نسيتوا السالفة بكبرها لوول هني كان البارت السابق

والحين أكمل يومنا الثالث في لبنان

بيومها كان من المقرر أن نروح بعلبك

الطريج كان طويل واحنا قاعدين من الساعه 6 الصبح ومو نايمين الا متأخر طبعا غفينا غفوات طويلة بالباص

مر وقت طويل وقرروا يوقفونا عند مكان ناكل فيه ونرتاح شوي وين وقفنا عند [ جرجورة ]

هذي صارت نكتة السفرة مادري ليش ضحكنا على كلمة جرجورة وحتى ان وحدة من البنات [ دلول الله يذكرها بالخير ] قمنا نسمي بعض جرجورة صارت لقبنا .. واحد لبناني كان معانا مرشد وقال انا عازمكم اشتروا اللي تبونه من هني

كانت مثل بقالة فيها حلويات وفيها عصير وفيها صاج .. طلبنا وأكلنا واستعدنا نشاطنا بعدين ردينا ركبنا الباص

بطريجنا شفنا جبال عليها ثلج

الله قلنالهم ودونا على يوم الثلج قالوا ان شاء الله على حسب جدولنا

واحنا ماشيين بعد جان نشوف

حجر الحبلى

هذا كان عندهم معتقد أن اللي تمشي عليه مادري اللي تمسكه تحمل على طول فكانوا الحريم اللي ما يحملون دايما عنده ... المرشد ختم كلامه بـ : أوعوا تأربوا لعندو مش ناقصين تحبلوا لوووووول

وصلنا بعلبك عطونا كابات وأوراااااااااق شكثرها لما الحين مكومة وشفت هالجمل شحلاته

رحنا عند الأعمدة الرومانية

وبدوا يشرحولنا عنها وتاريخها وكل شي طبعا احنا عمك أصمخ .. ما سمعنا الا جم كلمة ..

كان واحد واقف يشرح ومعصب علينا هذا اهو

احنا نتلفت بنصور وجذي يقوم يصرخ ويعلي صوته بالشرح أكثر من مرة لما آخر شي زفونا المشرفات

وصرنا عجال بس والله ما انتبهنا لشرحه لأن بالنا مع المكان نبي نتفرج وهو يشرح

وأخذنا صورة جماعية للقروب كله

وهني مقتطفات من الصور

( أحبها هالصورة )

بعدين رحنا مكان مادري شنو جنه بحيرة رووووعه كانت وفيها بط يونسون

كان المكان عند الأعمدة الرومانية عجيب وهادي والجو غريب والبنات مستانسين ع المكان لأنه عبدالله الرويشد صور فيديو كليبه هني لووول :>

بعدها رحنا بلدية بعلبك

وهناك استقبلونا احسن استقبال .. يعني تخيلوا الوضع عند باب البلدية كانوا واقفين طاابور الموظفين يستقبلونا صار موقف ضحكني

قبل ما ندخل قالت لنا وحدة من المشرفات ما اذكر منو ان اهما هناك يصافحون فاللي ما تبي تصافح تسوي حركة معينة بايدها وتنزل راسها شي جذي < ما اعرف اشرحلكم شلون لوول واصلا جني سمعتها قالت جذي

عاد شوفوا شسويت بيضتها ههههههههه كل ما امشي عند احد اعيد الحركة لما خلصت من الطابور بعد فترة اكتشفت ان المعلومة خطأ مادري انا سامعتها خطأ .. ان الحركة هذي يسويها الواحد اذا ما يبي يصافح وحدة مو العكس يعني .. يا فشلتي ههههه بس يلا المهم فهموا علي

المهم هناك صورونا تلفزيون المنار ولما خلصنا ودعنا بعلبك ورحنا مطعم تغدينا وردينا الفندق وأخيرا عشان نريح

بعدين بصراحة ما أذكر بالضبط شصار بس أظن ان رحنا السوق أو رحت طلعت مع أهلي لأن صارلي جم يوم ما شفتهم

وخلص اليوم الثالث على خير

البحر والجمعية =)

2010-09-14T00:14:00.000+03:00

السلام عليكم ..

الله يا حلات القعدة ع البحر وخصوصا اذا كان الجو حلو :)

أمس رحنا سهرنا ع البحر والجو شوي متعدل رحنا بعد الساعه 12

يا حلو المكان اللي قعدنا فيه مافيه احد خير شر بس احنا جنه البحر لنا :p

عاد الله يسلمكم لما صارت الساعه 2 ونص جان اقوم ادور القهوة .. متعودة كل مرة هالحزة اشرب قهوة عشان تكون مرة وحدة سحوري .. والا اكتشف ان القهوة موجودة بس الكوب اللي اشرب فيه مو موجود ( على قولت امي دولكتج :d ) مافيه الا قلاصات الورق وانا ما احب اشرب الا بكوب كبير ..

عاد ضاق خلقي خصوصا اني بصوم يعني جان ابوي الغالي قالي اقوم اجيبلج من ستاربكس .. لفينا يمين يسار ولا كل شي حولنا مسكر .. عاد قام ابوي قال ادورلج اذا فاتح كافيه قريب

صارت الساعه 3 وربع وما وصل شوي دق علي سألني شتبين وطلبلي ووصل عندي الساعه 3 ونص والا يقول اشتريته لج من ستاربكس مستشفى الهادي XD

وانا اشربه ولا يقول ترى ماي القهوة من ماي الدربات خخخخ .. كملت شربت ولا يقول والرغوة اللي حاطينه من الاكسجين مال المستشفى ههههه شربته لما النهاية ولا همني :>

لوول زحمة بنات خالاتي كلهم ماسكينه عشان يصورون =)

ولما أذن الفجر احس السما فتحت

بس بالتصوير مو مبين

===========

اليوم وأخيرا أول مرة اروح بالسيارة بروحي بس معاي اختي :>

كل مرة معاي ابوي او امي هالمرة بروحي ..

عاد وين رحت جمعية منطقتنا لووووول :>

اول ما طلعت ولا اشوف ذيج السيارة اللي لازقة فيني شوي بتدعمني جان الف اوخر ولا داشة بالزبايل ( اكرمكم الله ) وطيحت الزبايل لووول

عاد عصبت قلت شفيه هذا لازق جذي ولا تضحك اختي وتقول شفيج هذا زوج اختي :| طلع هو متعمد بيتحرش يدري اول مرة اطلع بروحي :/

واشتريت من الجمعية هذا

يم يم يم ^.^

أكل × أكل

2010-09-11T23:28:00.000+03:00

مساء الخير :>

اليوم بوستي كله أكل مادري ليييش :p يمكن لأنه توه مخلص رمضان لوول

من الأشياء اللي سوتها أختي برمضان وعجبتني

الكب كيك

لدرجة ان كل ما نشتهي حلو نقولها تسويه :)

طبعا هي تسوي واحنا علينا التجربة

===

هذي الكيكة بعد اختي سوتها وعجبني شكلها أكثر من طعمها

< تشابه كيكة حطتها ميد ان كويت ذاك اليوم

====

قبل جم يوم كان عيد ميلاد [ اخواني ] :)

طبعا اخواني بأعمار مختلفة بس سبجان الله صارت اعياد ميلادهم ورا بعض 5 > 6 > 7 / 9 .. عاد احنا نجمعهم بيوم واحد :D

وهذي كيكتهم

وشموع على أعمارهم

حسافة ما صورت البالونات والزينة :/ نسيت

==========

طبعا العيد ما يحلى الا بالجمعة مع بنات الخالة والحكرة بغرفة والأكل من مطعم وجبات سريعة وخصوصا ماكدونالدز :)

وااي شوفوا بعدين الغرفة شلون تصير .. كلهم ينحاشون ويخلون قراطيسهم وراهم وانا اللي ابتلش < سيناريو يتكرر كل عيد

لا والمشكلة اقعد اصارخ شيلوا وراكم محد يرد :@

ع العموم

كل عام وانتوا بخير مرة ثانية بمناسبة انتهاء عيد الفطر السعيد :)

ومساكين اللي دواماتهم قربت ويك ويك

> انا بعد اسبوعين مو بعد جم يوم :p

دلع كرشك :p

2010-09-10T19:09:00.001+03:00

مطعم دلع كرشك

انتوا ونوعية الدلع اللي تبونه :p .. شتبون ؟

موت في السحاب

2010-09-09T17:36:00.000+03:00

رواية موت في السحاب للروائية [ أجاثا كريستي ]

كعادتها اجاثا كريستي تطل علينا برواية ذكية وحبكة رائعة في قصتها بقيادة المخبر المشهور هيركيول بوارو

بالنسبة لي هذا الرواية اقيمها 6 من 10

لها روايات أخرى اعجبتني أكثر

وهذا مختصر اللغز وما كتب في خلف الكتاب

Happy mushroom day :p

2010-09-08T19:10:00.000+03:00

خبر عاجل :

الجمعة هو أول أيام عيد الفطر السعيد :)

كل عام وانتوا بخير ..

باجر آخر يوم صيام =)

لـــيـــلــــى

2010-09-08T17:25:00.000+03:00

السلام عليكم ..

رحنا تفطرنا بمطعم ليلى اللبناني

وصلنا عطونا المنيو والتمر وقمر الدين :)

عجبني شكل المنيو

يوم فتحتها انصدمت مافيها أشياء شجعتني اطلب :/

وخصوصا اني مو حيل ع الأكل اللبناني

اللي صار شنو هديت المنيو ورحت طلبت من ستاربكس XD

طلبت فرابتشينو موكا الكراميل مع القهوة

وساندويتش سيزر راب

القهوة عجبتني بس الساندويتش مو حلوة

وبالنسبة للي طلبوه اهلي سلطة فتوش وورق عنب وبطاط شبس ورول جبن

والأكل ما يسوى سعره كلش

وبصراحة تحسفت ان رحنا تفطرنا هناك خخخ :/

funny call

2010-09-07T01:53:00.000+03:00

السلام عليكم ..

( funnycall ) هذا الآب نزلته من الآب ستور مجانا قلت بجربه ..

امبي مو صج عجيييب .. ادق ع الرقم اللي ابيه وفيه أصوات مختلفة اقدر اغير الصوت اللي ابيه

قلت اسوي مقلب اتصلت على تلفون البيت وحطيت صوت واحد شباب .. وكنت منخشة بغرفتي لوول

عاد رد علي اخوي قتله ألو اخترع رد منو انت قتله عطني أمك ولا يقول منو أنت قتله عطني أمك جان يقول لحظة لحظة اتصل ع الصالة الثانية XD والله مت ضحك عليه

شوي نطرت واتصلت على تلفون البيت جان ترد امي وصوت كله جدية وصرامة < يعني بتخرعني .. قلت الو السلام عليكم ولا تقول وعليكم السلام جان اقولها هذا بيت ( فلان ) ولا تقول اي منو معاي ؟ قتلها انتوا عارضين البيت للبيع هههههههههه عاد ولا تقول لا مو عارضينه واذا عندك موضوع مهم اتصل مو تتصل هالحزة تلعب ع الناس طوط طوط طوط

ههههههههههههههه والله مت ضحك نزلت تحت وقلت لأمي ها عارضينه للبيت :) بس خوش برنامج ينفع للمقالب :>

==========

شرايكم بسبونج بوب هذا الصغيرون :)

اختي مسويته لي بالجوخ حق الآي فون .. من سوته كل بنات العايلة طلبوه لووول

===============

خمنوا أي واحد موبايلي ؟ :)

سوني أريكسون داش عرض ما عليه :p

Line and shadow pencil

2010-09-06T19:20:00.000+03:00

السلام عليكم..

على كثر ما جربت كحل أزرق ما لقيت ولا كحل أزرق حلو

لا ومشكلتي اني اشتري بدون ما اجرب بالمحل بعدين يطلع خرطي

غير اللي قطيتهم طبعا :)

عاد الله يسلمكم ذاك اليوم طحت على خووش كحل مادري ويني عنه من زمان

كحل من ( مكياجي )

وهذا اهوا

اشتريت أزرق واسود وان شاء الله بشتري بنفسجي واخضر =)

جنه سعره 3 دنانير وشي :)

برنامج أوائل الطلبة :)

2010-09-06T01:15:00.000+03:00

السلام عليكم

اليوم بتكلم عن هالجيس هذا شنو قصته وشسالفته بالضبط

الله يسلمكم شهر 2 اللي فات بالضبط كانت بداية الكورس وقبل العيد الوطني بجم يوم خبركم الطلاب غايبين ( اجازة من نفسهم ) غصبونا ادارة المدرسة نداوم انا معاي جم بنت

شركونا بمسابقة .. عشان نروح مدرسة ثانية ونختبر نظري

طبعا احنا متنرفزين وما كان لنا مزاج بس داومنا ورحنا المدرسة بعدين رحنا بالباص المدرسة الثانية

تخيلوا وصلنا متأخرين نص ساعة عن الامتحان

الامتحان عبارة عن ساعة وحدة بس يعني مو باقيلنا الا نص ساعة

وتقريبا 7 أو 8 أوراق شاملة كل المواد من انجليزي وعربي واسلامية ورياضيات وعلوم وطبعا مشكلتنا بالرياضيات

ما كان معانا آلة حاسبة والعمليات تطول تاخذ وقت

ولما طلبنا من المشرفة آلة حاسبة طنشتنا وعطت الآلة لمدرسة ثانية وظلينا نطلب منها بس هي حاقرتنا

احنا انقهرنا طبعا انا عن نفسي طنشت بالامتحان وقمت اتفرج ع البنات الثانيين والمدارس الثانية اشوف يمكن وحدة من البنات أعرفها

وكنت متضايقة بالقعدة أصلا وكل شوي أحرك الكرسي المشرفة ما عجبها وتنرفزت لأن الكرسي يطلع صوت مزعج خخخ وقمنا نعاندها وكل شوي ندزه

عاد وحدة من البنات اللي معاي قالتلها انزين عطينا تلفونج نحسب فيه اهيا عطتنا نظرة استحقار ولفت ... وحدة ثانية قالتلها عندي آيبود بجنطتي عادي اطلعه قالت لأ

يعني كانت كل البيبان مسكره لما خلص وقت الامتحان قمنا واحنا ندز الكراسي واحدثنا فوضى وصووت عالي < شياطين لوول

طلعنا من القاعة واحنا ميتين ضحك نتخيل شكل المشرفة أول ما نطلع تشق ورقتنا من كثر عصبيتها

سألتنا الأبلة المرافقة معانا شسويتوا ؟
قلنالها قهرنا المشرفة وقصينالها القصة

عاد ضحكت الابلة وتقول هذا وانتوا شطار المدرسة ماخذينكم نبيكم تفوزون جذي سويتوا

طافت السالفة ومر تقريبا شهرين وشي

آخر شهر 4 كنت قاعدة بالصف ولا ورقة استدعاء من وكيلتنا اخترعت قلت ياربي انا شمسوية :/

يوم رحت ولا لقيت البنات اللي كانوا ممتحنين وياي واقفين عند الوكيلة

قالت الوكيلة ليش جذي تسوون طبعا احنا اختبصنا

ولا طلع على موضوع ثاني انا البنات كانوا جايبين فلاشات معطينها الوكيلة وناسيينها عندها

المهم عاد تقول حبيت ابشركم انكم فزتوا بالاختبار النظري اللي رحتوله بداية الكورس وتأهلتوا لمرحلة ثانية

احنا سكتنا ما كنا متوقعين صج السالفة لأننا حلينا أي شي وما كنا جديين كلش بهالشغلة !!!

ولا تقول شفيكم مو مستانسين احنا من الصدمة قعدنا نضحك

ولا تقول عقب باجر بتروحون انتوا الـ 5 عندكم تصوير برنامج أوائل الطلبة التلفزيوني

احنا عاد جد انصدمنا من قلب أي برنامج وأي خرابيط هذا واحنا متهاوشين مع المشرفة وتأهلنا لو مو متهاوشين

[ طبعا احنا الجولة الأولى اللي اهيا الاختبار النظري كانت على محافظتنا بس ومدرستنا الوحيدة اللي فازت بالمحافظة أما الجولة الثانية فمع مدارس الكويت [

كنا مترددين وخايفين بس رحنا لأن خلاص مدام شاركنا بالمرحلة الأولى برضانا ما يصير نعارض

واخذوا صف معانا يشجعنا والله طول الطريج وقلبي طبول شلون بطلع في برنامج لا ومسابقات بعد

دخلنا الاستديو أول مرة بحياتي ادش استديو تصوير ونااسة وضبطنا القعدة وهيأنا نفسنا وبفضل من الله فزنا ع المحافظة الثانية وتأهلنا للدور ما قبل النهائي :)

طبعا فرحة الفوز ما تنوصف خصوصا أن احنا كنا باديينها لعب مو جد ورايحين البرنامج على عمانا اصلا مو محضرين ولا دارسين ولا قاريين شي

اعتمدنا على معلوماتنا العامة

بعدها بيومين كانت الجولة قبل الأخيرة وتصوير ثاني اذكره تاريخ 5/5

رحنا الاستديو كان مقرر نتسابق مع مدرسة معينة بآخر لحظة غيروا المدرسة

للأسف خسرنا احد صكنا عين اللهم يا كافي خخخ

عاد كنا متحمسين نتأهل للنهائي

والله لا يراويكم الخسارة مو شي لا والمشكلة قبل لا يبتدي التصوير بجم دقيقة كنا ناسيين آلاتنا الحاسبة بالباص < كله ناسيينها

وراحت أبلة البدنية وجابتهم لنا ويوم وصلت عندنا ولا هوووووووووب وطاحت طيحة أليمة بصراحة مسكينة وتناثرت الآلات الحاسبة

ردينا المدرسة خسرانين بس كنا متقبلينها الحمدلله لأننا كنا المركز الثالث على الكويت كلها وهذا بكبره شي كبير ومو سهل

على قولة ناظرتنا انتوا أبطال المدرسة هههههههه حسيتها تكلم عيال بالروضة

اليوم اللي وراه كرمونا بالطابور وعطونا هالهدية وفشلونا وقفونا جدام بنات المدرسة وقاموا يصفقون لنا

====

على فكرة الحلقة يقال انها انعرضت بالتلفزيون على قناة اثراء قبل مدة بداية الصيف بس تردد القناة ماكان عندنا وما شفتها

منو يعرف طريقة اشوف فيها الحلقتين .. اذا رحت وزارة الاعلام راح يقولون شي ولا عادي يعطوني الحلقات ؟؟

إعلان البنك الوطني

2010-09-05T21:31:00.000+03:00

السلام عليكم ورحمة الله

إعلان البنك الوطني للعيد

يحليلهم يهبلوون خوش دعاية عجبتني :)

إنـــســـيــة

2010-09-04T19:44:00.000+03:00

مساء الخير =)

رواية [ إنسيــة ] للروائية أماني موسى السليمي

الجميل في هذه الرواية أنها رواية رعب بنكهة خليجية :) حسيت أسلوبها شي جديد عن الروايات الثانية

بس اللي ما عجبني انها شبه تكملة لرواية آخرى كتبها غازي القصيبي اسمها [ الجنية ] وهذي الرواية ما قريتها

ومن السلبيات اللي لاحظتها خطأ من دار الطباعة نفسه أن الرواية من داخل ما كانت مرتبة خطها كبير حييييل وفيه صفحات مقلوبة ومتلخبطة الصفحات

شوفوا الخط بهالصورة

وهذا الكتاب من الخلف

ماكنتوش =)

2010-09-02T17:37:00.001+03:00

مساء الخير :)

هالبوست سميته ماكنتوش لأنه ما يتكلم عن موضوع معين يعني كل شي طرى على بالي كتبته

من فترة اشتريت سيارة وأخيرا بعد ما ظل معرض بالديرة ما رحتله وكل ما نروح معرض أنا اختار سيارة وابوي يختار سيارة ثانية لوول بس بالنهاية اشتريت السيارة اللي ابوي يبيها :| شسوي ما باليد حيلة

بس والله مبدئيا من استخدامها جنها خوش سيارة .. الله أعلم بتقاوم الزحمة الجامعية ولا لأ :p

==========

بنت خالتي أقرب وحدة لي بتسافر بعد فترة فرنسا بعثة تدرس بره :( طبعا اهيا بعمري بالضبط وبتسافر على طول بعد العيد مادري بأيام العيد .. المهم طلعنا أنا وياها تمشينا وداعية يعني وكنا ناويين ناكل بمطعم بعد ما نتمشى .. اشترينا هالباجة مالت بيت عبدالله انا الزرقا واهيا اخذت الوردية وقتلها البسيها بفرنسا هناك دايما لا تقطينها .. عقب ما خلصنا ما كنا مشتهيين ناكل مليانين من الفطور فردينا البيت

==========

ابوي الله يخليه ذبحني بالكوبونات كل ما يعطونا كوبونات .. يعطيني الكوبونات ويقولي عبيهم مع ان ولا مرة عبيتهم وفزنا مادري ليش ما يجرب أحد من اخواني يمكن اذا كتبوا نربح هههههه

هذول آخر كوبونات عطاني اعبيهم من قبل رمضان بشكثر توني أمس خلصت منهم

===============

من الأشياء الحلوة اللي خاشتهم عندي هالجيس .. له ذكرى وطعم غير .. ليــش ؟؟

راح اقولكم في بوست ثاني لأن قصته قصة =)

==================

الله يا حلو هالحلزونة ..

تدرون من متى عندي من كنت بالابتدائي

كنت رايحة محل ناسية اسمه نفس طريقة كولر مي ماين بس حق صغار واخترنا الفخارة ولونتها خواتي الـ 2 انكسروا فخارتهم او ضاعوا .. انا لما الحين موجودة عندي

والله اعرف الون ما شاء الله علي :p

==================

هذي أم علاوي أكيد تعرفونها اللي بـ [ فريج ] ؟

مادري ليش بنات خالاتي كلهم يشبهوني فيها لووول يقولون لأنها طويلة وتموت ع التكنولوجيا مثلج

يوم سافروا دبي اشتروها لي ميدالية ومعلقتها على باب غرفتي

Q8 FilM

2010-09-01T20:28:00.000+03:00

السلام عليكم :)

ذاك اليوم كتبت رورو بوست عن q8film هني

عاد على طول طلبت منهم كان بخاطري شكثر أفلام بس طلبت جم واحد للتجربة واشوف اذا عجبوني اطلب مرة ثانية

هذا الجيس

وهذول هم الأفلام اللي طلبتها

وغيرهم فلمين كارتون لأخوي ما عطاني مجال حتى اصورهم لوووول

يحليلي والله أفلامي كلها طفولية ههههههه بس صج غرامي هالأفلام وأفلام الرعب < تناقض =|

هذا الويب سايت اذا بتطلبون

Q8 Film

جولة شعبية =>

2010-08-30T19:13:00.001+03:00

مساء الخير

صارلي فترة عن البلوق احس رمضان زحمة وماكو وقت افتح النت وانزل بوستات مع اني قاعدة بالبيت بس الوقت بسرعة يمر :)

عاد اليوم شفت جم صورة من سفرة السعودية ما نزلتها قلت اكمل انزلهم ..

ما احب الاسوااق الشعبية كلش ملش بس ابوي يحب هالاماكن وبالكويت غرامه سوق المباركية :/ عاد انا ما اواطنه

المهم رحنا سوق شعبي هناك كان ابوي يبي شغله عاد قمت اجكجك

عطورات ومادري شنو من هالسوالف

هالنقشات اذكر يوم كنت صغيرة دايما احطهم بس الحين ما قمت انقش خير شر

صوب الأعشاب لقيت اعشاب بأسامي غريبة مثل اللي فوق كف مريم

وبعد فيه غيرهم تقريبا ثلاثة ارباعهم ما اعرفهم

لووول لقيت هالمحل اسمه كبة نورة عاد اختي صورته عشان توريه لرفيجتها

يلا المحل اهداء لكل وحدة اسمها نورة :q

شفت هالمحل اسمه لمسة كويتية وممنوع محد يدخله غير الحريم عاد الفضول خلانا ندخله

ماكو شي داخله دراريع ومكياج بس شي لفت انتباهي خلاني اتأكد ان المحل كويتي :D

شباصات الوردة هههههه

اشوفكم على خير =)